Ака уйăхĕн 4-мĕшĕнче А.Г.Николаев ячĕллĕ Калайкасси пĕтĕмĕшле пĕлÿ паракан шкулта Раççей Федерацийĕн Тăван çĕршыв хÿтĕлевçин çулталăкне, Чăваш Республикин Çĕнтерÿпе патриотизм çулталăкне халалланă «Чăваш ачи чăвашах» республика шайĕнче 9-мĕш фестиваль иртрĕ. Пирĕн шкулти «Наш театр» кружока çÿрекен 7 ача (положенипе килĕшÿллĕ) «Савăнатăп эп чăваш пулнишĕн» ăмăртура хутшăнчĕ. Чăваш халăхĕн ĕлĕкхи Нимене йăлине, пÿрт никĕсне хунине, кăтартса пачĕ. Жюри членĕсем ачасем вылянине пысăк шайра хакларĕç. Пирĕн шкулти ушкăн 1-мĕш вырăн çĕнсе илме пултарчĕ! Маттурсем!

Автор: Петрова О.М.